ایپل نے اپنا اب تک کا سب سے سستا فون متعارف کروادیا

نیویارک(مانیٹرنگ ڈیسک) ایپل نے اپنا اب تک کا سب سے سستا آئی فون متعارف کروا دیا۔ میل آن لائن کے مطابق اس ماڈل کا نام ’آئی فون ایس ای‘ ہے جس کی قیمت 419ڈالر (تقریباً 70ہزار روپے)رکھی گئی ہے۔ اس فون کی سکرین 4.7انچ کی ہے جبکہ اس میں ٹچ آئی ڈی فنگرپرنٹ سکینر اور سنگل لینز پورٹریٹ موڈ کیمرا مہیا کیے جا رہے ہیں۔اس میں پرانے آئی فون ماڈلز کی طرح ’فزیکل ہوم بٹن‘ بھی موجود ہے۔

اس فون کو اپ گریڈ کرکے اس میں ’اے 13بائیونک چِپ‘ لگائی گئی ہے جو آئی فون 11فیملی کے ماڈلز میں لگائی جا رہی ہے جن کی قیمت 729پاﺅنڈ (تقریباً 1لاکھ 52ہزار روپے) سے شروع ہوتی ہے۔آئی فون ایس ای کا سنگل لینز پورٹریٹ موڈ کیمرا 12میگاپکسل کا حامل ہے۔ تاہم ایپل کمپنی کا دعویٰ ہے کہ یہ کیمرا بھی دیگر آئی فونز میں آنے والے ملٹی لینز کیمروں کی طرح ہی بہترین تصاویر بنانے کی صلاحیت رکھتا ہے۔یہ ماڈل سیاہ، سفید اور سرخ تین رنگوں میں آ رہا ہے۔اس کی پیشگی بکنگ 17اپریل سے شروع ہو رہی ہے۔

Note: This article was originally published on our related blog. We have merged content from our educational subdomains to provide easier access in one place. The original post is still available at: https://videos.urdutubes.com/2020/04/%d8%a7%db%8c%d9%be%d9%84-%d9%86%db%92-%d8%a7%d9%be%d9%86%d8%a7-%d8%a7%d8%a8-%d8%aa%da%a9-%da%a9%d8%a7-%d8%b3%d8%a8-%d8%b3%db%92-%d8%b3%d8%b3%d8%aa%d8%a7-%d9%81%d9%88%d9%86-%d9%85%d8%aa%d8%b9%d8%a7.html
All content is owned and authored by us, and redistribution or reuse is not allowed without permission.

Note: This post is part of our content merger from multiple educational subdomains. To access the original content, visit: books.urdutubes.com for book-related content, PDFs, and downloads, or videos.urdutubes.com for video-related posts. All content is owned and authored by us, and redistribution or reuse is not allowed without permission.