کورونا وائرس کتنے زیادہ ٹمپریچر کو برداشت کرسکتا ہے؟ تازہ تحقیق میں فرانسیسی سائنسدانوں نے پریشان کن انکشاف کردیا

پیرس(مانیٹرنگ ڈیسک) کہا جا رہا تھا کہ کورونا وائرس زیادہ درجہ حرارت میں ختم ہو جائے گا یا اس کا پھیلاﺅ سست ہو جائے گا لیکن اب فرانسیسی سائنسدانوں نے نئی تحقیق میں اس حوالے سے انتہائی پریشان کن انکشاف کر دیا ہے۔ ساﺅتھ چائنہ مارننگ پوسٹ کے مطابق فرانس کی ایکس مارسیلے یونیورسٹی کے سائنسدانوں نے اس تحقیق میں درجہ حرارت بڑھا کر کورونا وائرس کو ختم کرنے کا تجربہ کیا۔ انہوں نے کورونا وائرس کو 60ڈگری سینٹی گریڈ درجہ حرارت میں ایک گھنٹے کے لیے رکھا اور پھر اس کا مشاہدہ کیا تو وہ یہ دیکھ کر دنگ رہ گئے کہ اس کے کئی سٹرینز اب بھی اپنی افزائش کرنے اور تعداد بڑھانے کی صلاحیت رکھتے تھے۔

ان تجربات میں سائنسدانوں کو کورونا وائرس کو مکمل طور پر مارنے کے لیے درجہ حرارت کو92ڈگری سینٹی گریڈ تک لیجانا پڑا تب کہیں جا کر اس موذی وائرس کا مکمل خاتمہ ہوا۔ اس تحقیق میں سائنسدانوں نے بندروں کے پھیپھڑوں میں کورونا وائرس انجیکٹ کیے اور پھر انہیں مختلف ماحول اور درجہ حرارت میں رکھا۔ جن پھیپھڑوں میں کورونا وائرس کی کم مقدار انجیکٹ کی گئی تھی انہیں 60ڈگری سینٹی گریڈ پر ایک گھنٹہ رکھنے سے بھی ان میں وائرس مکمل ختم ہو گیا تھا لیکن جن میں مقدار زیادہ تھی ان میں کئی سٹرینز اب بھی افزائش کی صلاحیت رکھتے تھے۔ تاہم جب سائنسدانوں نے انہیں 92ڈگری سینٹی گریڈ پر 15منٹ کے لیے رکھا تو وائرس مکمل غیرمتحرک ہو گیا۔

Note: This article was originally published on our related blog. We have merged content from our educational subdomains to provide easier access in one place. The original post is still available at: https://videos.urdutubes.com/2020/04/%da%a9%d9%88%d8%b1%d9%88%d9%86%d8%a7-%d9%88%d8%a7%d8%a6%d8%b1%d8%b3-%da%a9%d8%aa%d9%86%db%92-%d8%b2%db%8c%d8%a7%d8%af%db%81-%d9%b9%d9%85%d9%be%d8%b1%db%8c%da%86%d8%b1-%da%a9%d9%88-%d8%a8%d8%b1%d8%af.html
All content is owned and authored by us, and redistribution or reuse is not allowed without permission.

Note: This post is part of our content merger from multiple educational subdomains. To access the original content, visit: books.urdutubes.com for book-related content, PDFs, and downloads, or videos.urdutubes.com for video-related posts. All content is owned and authored by us, and redistribution or reuse is not allowed without permission.